2021 ஆம் ஆண்டில் உலகம் முழுவதும் 13 அருள்பணியாளர்கள் உட்பட 22 மறைப்பணியாளர்கள் கொல்லப்பட்டுள்ளதாக, திருஅவையின் பீதஸ் செய்தி நிறுவனம் அறிவிக்கிறது. இவ்வாண்டில் கொல்லப்பட்ட மறைப்பணியாளர்கள் குறித்த புள்ளி விபரங்களை வெளியிட்டுள்ள இச்செய்தி நிறுவனம், 7 அருள்பணியாளர்கள், 2 துறவிகள், 2 பொதுநிலையினர் என மொத்தம் 11 பேர் ஆப்ரிக்கக் கண்டத்தில் கொல்லப்பட்டுள்ளதாகவும், 7 பேர் அமெரிக்கக் கண்டத்திலும் 3 பேர் ஆசியாவிலும், ஒருவர் ஐரோப்பாவிலும் கொல்லப்பட்டுள்ளதாகவும் தெரிவிக்கிறது.

 மறைப்பணியாளர்கள் கொல்லப்பட்டதில், ஆப்ரிக்கா முதல் இடத்திலும் அமெரிக்கா இரண்டாமிடத்திலும் உள்ளன. ஆசியாவில் இவ்வாண்டு கொல்லப்பட்ட மூவரில், ஒருவர் அருள்பணியாளர், ஏனைய இருவர் பொதுநிலையினர். 2000 முதல் 2020 ஆம் ஆண்டுவரையுள்ள புள்ளி விபரங்களின்படி, உலகில் 536 மறைப்பணியாளர்கள் தங்கள் சமய நடவடிக்கைகளுக்காகக்  கொல்லப்பட்டுள்ளனர்.