“கத்தோலிக்கத் திரு அவையின் பிறரன்பு மற்றும் சமூக வளர்ச்சிப் பணிகள் அனைத்தும் மதமாற்றத்தை நோக்கமாகக் கொண்டவை என்பது தவறான கருத்து. கிறிஸ்தவர்களின், மக்களுக்கான பணியெல்லாம், ஏழைகளில் இறைவனைக் கண்டு, அவர்களுக்குத் தொண்டாற்றுவதேயன்றி வேறெந்த நோக்கமும் கொண்டதல்ல.”

- செப்டம்பர் 4, மங்கோலிய திரு அவைக்கான செய்தி

“நாடுகளின் உண்மையான முன்னேற்றம் பொருளாதாரச் செல்வத்தாலோ, ஆயுதங்களின் சக்தியில் அவர்கள் எவ்வளவு முதலீடு செய்கிறார்கள் என்பதனாலோ அளவிடப்படுவதில்லை; மாறாக, மக்களின் நலவாழ்வு, கல்வி மற்றும் ஒருங்கிணைந்த வளர்ச்சியை வழங்கும் திறனால் அளவிடப்படுகிறது.”

- செப்டம்பர் 4, திருத்தந்தையின் குறுஞ்செய்தி

“நல்லது செய்ய செல்வந்தர்களாக இருக்க வேண் டிய அவசியமில்லை; மாறாக, எப்போதும் சாதாரண மனிதர்களே மற்றவர்களைக் கவனித்துக் கொள்வதற்காகத் தங்கள் நேரத்தையும், அறிவையும், இதயத்தையும் அர்ப்பணிக்கின்றவர்களாக இருந்தாலே போதும்.” 

- செப்டம்பர் 3, ஞாயிறு மறையுரை

“கருணை இல்லம் எனும் இரண்டு வார்த்தைகளில், திரு அவையின் வரையறை உள்ளது. இதயத்தை அன்பால் நகர்த்தும், அன்பை உணர்த்தும் ஒரு வரவேற்பு இல்லமாக இருக்கும் திரு அவை எனும் இறைவனின் இல்லத்தில் நாம் அனைவரும் சகோதர-சகோதரிகளாக இருப்போம்.”

- செப்டம்பர் 2, கருணை இல்லத் திறப்பு விழா

“சமயங்கள் உலகிற்கு நல்லிணக்கத்தை அளிக்க அழைக்கப்படுகின்றன. தொழில்நுட்ப வளர்ச்சி இதனைக் கொடுக்காது; ஏனெனில், தொழில்நுட்ப வளர்ச்சி இவ்வுலகம் சார்ந்த சிந்தனையிலும், மனித குலத்தின் கிடைமட்டப் பரிமாணத்திலும் விண்ணகத்தை மறந்துவிடும் அபாயத்தைக் கொண்டுள்ளது.”

- செப்டம்பர் 2, பல்சமய நல்லிணக்கக் குழுக்கான செய்தி

“ஆண்டவரின் மகிழ்ச்சியும், நன்மைத்தனமும் விரைந்து ஓடுபவை அல்ல; அவைகள் நம்மோடு தங்கி, நம்முடைய வாழ்க்கைக்குச் சுவை அளிக்கின்றன. புதிய வழியில் மற்றவைகளைப் பார்க்க வைக்கின்றன. நற்செய்திக்காக வாழ்வைச் செலவழிப்பது என்பதுதான் கிறிஸ்தவ மறைபரப்பு அழைத்தலை அழகாக வரையறுப்பதாகும்.”

- செப்டம்பர் 1, மங்கோலிய  அருள்பணியாளர்களுக்கான செய்தி